ميدو يتغنى بهدف زياد طارق: مفيش حد من لاعيبة الأهلي الكبار يقدر يجيبه

تغنى أحمد حسام ميدو، بهدف زياد طارق لاعب فريق الكرة الأول بالنادي الأهلي في شباك الاتحاد السكندري خلال المباراة التي انتهت بفوز الأهلي بثلاثية نظيفة، في الدوري الممتاز.

تصريحات ميدو عن زياد طارق

قال ميدو في تصريحات تلفزيونية: أقسم بالله الزمالك والأهلي لو صرفوا 20% من اللي بيصرفوها على الصفقات ووكلاء اللاعبين، لتطوير قطاع الناشئين، هيطلعوا أكثر من لاعب مميز يلعبوا فريق أول مستريح.

وأضاف: الجمهور مش عبيط، ولما طالب بالاعتماد على الناشئين كان عارف إن الناشئين هيموتوا نفسهم في الملعب، لأن الناشئين دول كانوا بيحلموا بكدة من صغرهم.

وأردف ميدو حديثه قائلا: الجون اللي جابه زياد طارق، مفيش ولا لاعب من لاعيبة الأهلي الكبار يعرف يجيبه، مع احترامي للجميع، وكذلك أحمد سيد غريب، رأس حربة محترم.

وفي سياق آخر، واصل: الخطيب وكذلك مرتضى منصور، الاتنين بيخافوا على فلوس الأهلي والزمالك جدا، لكن لو بتخافوا على فلوس ناديكم بجد، لازم تساهموا في تطوير قطاع الناشئين.

أوضح: كل اللي الجماهير بتحلم بيه في الكورة المصرية هيتحقق، لو الأندية الكبيرة اهتمت بقطاع الناشئين، وبقت سياسة كل نادي إن لازم يطلع أكتر من لاعب يبقى جزء أساسي من الفريق الأول.

واختتم ميدو حديثه قائلا: تطوير الناشئين في مصر والاهتمام بيهم، هو الحل لتطوير الكرة المصرية، والأهلي والزمالك مش بيقفوا على أي لاعب بيمشي لكن لازم يبقى في تجهيز كويس للناشئين.