بالفيديو.. باسم سمرة: مش هرد على رحاب الجمل عشان ست .. والوسط الفني مليان واسطة

خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس"، قال الفنان باسم سمرة: "لو ما كانش نقيب الممثلين الدكتور أشرف زكي تدخل ما كنتش صالحت الفنانة رحاب الجمل".

تقدير نقيب التمثيليين

وأضاف : "علشان أنا بحترم وأقدر الدكتور أشرف زكي وافقت على إنهاء الأزمة مع رحاب الجمل".

بحث رحاب الجمل عن التريند

وتابع: "اللي كبر الأزمة بتاعت رحاب الجمل للأسف البحث عن التريند، وهي مرة اتكلمت عني كلام مش كويس فأنا اتضايقت بس مش عايز اتكلم علشان هي ست".

مشكلة الوسط الفني

واختتم: "الوسط الفني مليان واسطة وأبناء عاملين، وقلت التصريح دا في المطلق ومفيش حد معين أوجه له الكلام ده، ولو كنت نقيب للمهن التمثيلية ههتم بالفنانين اللي بيكبروا وما عندهاش دخل مادي لازم نقدرهم ويبقى ليهم معاش كويس وسكن كويس وتأمين صحي مناسب، والقرار التاني هعمل من خلال النقابة كشافين يكتشفوا مواهب من كل محافظات مصر، واللي مش موهوب هوقفه وأقول له مفيش مزاولة مهنة تاني".